اهم الادوات في سرة البانزين

**Admin**

اهم الادوات التي يجب ان تكون بحوزتكم عند دخولكم سرة البانزين:-
1- 12 جيس حب ابو ال 500 (احمر مهبط للذكاء) لان انتة بالسرة ما تحتاج ذكاء و انما تحتاج صبر

2- 17 لفة فلافل بدون عمبة
لان العمبة ترفع درجة السيارة 11 درجة مئوية ( كما جاء في تقرير المعهد
العالي النووي لأنتاج قياطين القبغلي)
3-12 سطل مي (2 تشربهم و
الباقي تغسل بي) و للاحتياط يرجى وضع الليفة في المكان المخصص لها(جوة
الجكمجة)مع صابونة ديلوكس مستعملة حتى تاخذلك فد قاط قاطين نظافة و انتة
بالسرة مع شورت نظيف و فانيلة توضع في الخزانة (صندوك الورة فوك السبير)

4-12 رزمة جرايد( الزمان
الصباح الشاهد المستقل) مع انتقاء المجلات ذات الكلمات المتقاطعة مثلا
كلمة من 4 احرف بمعنى نصاب شنووووو؟ بحار و ابقة حل الى ان يجيك السرة
5- لا اتعيط ولا اتصيح لمدة يومين لان راح تحتاج العياط و الصياح بالسرة( لمن واحد يطبك و يحاول يضرب السرة)
6- 18 كاسيت من خضيري ابو عزيز ياس خضر لحد حسناء لان راح تسمعهن كلها مرتين 3 و السرة بعدة ما جايك
7- املي الشحن مال موبايلك و سوي فووول حتة اتكضي الوكت اللي يبقة بالمسجات و الفايلات اللي عندك
8- 23 باكيت اكلنكس عبوة كل قطعة 12 كيلو عرك استعمل كل قطعة مرتين بس

9- 8 قواطي بيبسي و فلتر مال
تريوعات لان راح تكلب معمل مال غاز وراها (ملاحظة ماكو شي اسمة فلتر مال
تريوعة بس احتياطا لا تتثاوب اثناء التريوعة حلكك بعد ما ينسد)
10- قنينة اوكسجين خاف يا ستار تتخربط يتلحكون عليك تنحط عال كشن الورة

12- هوياتك و بطاقة السكن و القصة التموينية دنيا هاي خاف كلشي يصير
13- مهفة حجم 2 طن تربط يدويا و يتم تحريكها بواسطة الساعد (ايدك يعني) مع قوة دفع 14 لفحة بالدقيقة
14- 3 تكات جكاير سومر ام التتن المعفن حتة تحرك و ترجع لي ورة مع باكيت شخاط علامة النقيب(3 نجمات) حتة اتنعثل براحتك)

admin admin

_________________

**DREEEAAM**

اكلك يابه تره صار قديم هذا الموضوع حييييييييييييييييل والله حفظته وحته سره بانزين هم ماكو

_________________

you must see the life from the positive side or you must die

الصقرالعاني

هههههههههههه تسلم عالموضوع ولو بنزين ماكو هههههههههههههه

_________________

شمس الاحلام

ههههههههههههههههههههههههههههههههههههههههههههههه بالعافيه عليكم باولد انشاء يلله ميخالف مو عبالكم خلصتوا من سره البانزين تره الصيف بعده مجاي وعلى ابواب حضروا نفسكم للسره

تحيااااااااااااااتي شمس الاحلام

**heartless**

هههههههههههههههههههههه حلو الموضوع عاشت ايدك , و بالذات

1- 12 جيس حب ابو ال 500 (احمر مهبط للذكاء) لان انتة بالسرة ما تحتاج ذكاء و انما تحتاج صبر